銀幸ginkgo 第一對客人

客人搵得《銀幸ginkgo》，就係一個互信嘅開始。

《銀幸ginkgo》慶幸接到嘅第一單生意，就係一對非常信任我哋嘅客人。依對客人用一見如故嚟形容都唔過份，我哋之間嘅溝通就好似認識咗好耐嘅朋友。

令我哋感動嘅係，喺《銀幸ginkgo》草創初期，能夠提供畀客人嘅設計參考有限。但依對客人都選擇畀咗一個機會《銀幸ginkgo》去發揮專長。

仲記得當時兩位新人都鍾意動物，特別係雀仔，就算去到外國都會影好多雀仔同鴨仔嘅相，認真係一對「撚雀之人」。佢哋好希望喺喜帖上可以有一對靚雀，但佢哋喺市場上搵咗好耐都未揾到心水嘅喜帖，直到喺偶爾嘅情況下搵到《銀幸ginkgo》，而我哋又咁啱有訂製喜帖服務。

《銀幸ginkgo》為咗依對投下百份百信任嘅雀痴，認真咁思考雀仔同喜帖嘅關聯。

雀仔本身有好多唔同嘅喻意，喺喜帖上，設計師自然聯想到將「喜」同「雀」兩個元素扣埋一齊，所以決定拎客人最鐘意嘅一對雀進行壓印，以最有質感嘅方式呈現設計。

「質感」係喜帖設計一個重要元素，《銀幸ginkgo》選擇咗一款450g嘅意大利綿紙作為喜帖用紙，依款綿紙最大特點就係份量十足，非常合適用嚟壓印，壓印出嚟嘅效果深淺有度，客人同設計師都非常滿意。

除咗喜帖，《銀幸ginkgo》仲為客人做咗一張證婚卡，並用「印銀」加工。印銀比燙銀內儉，低調得嚟又有暗光，令喜帖同證婚卡同時呈現出整體連貫性同和諧。

依次創作嘅過程入面，客人同設計師一直都傾談甚歡，最後客人更委托《銀幸ginkgo》為佢哋嘅婚禮會場set dresser。婚禮完結之後我哋仍然同客人有一個友好嘅關系。

《銀幸ginkgo》創立嘅願景，就係透過創作，建立人與人之間嘅聯繫，但願我哋能一直堅持，令設計不止於於設計。