快樂建築在⋯⋯ (銀幸ginkgo一周年)

從前有兩條磨轆，中學一齊讀書，讀屎片就不在話下，晚晚夠鐘開場就玩信長。到出黎做野，無情情入左電影行，果時連 AI 係乜都唔知，一路做一路學，就開始鳩 up 不如搵啲野搞。咁岩果期身邊多人結婚，但收到既帖真係會唔多想 keep。兩條磨轆就諗，明明喜帖係成個婚禮既 first impression，但點解可以咁求其呢？

兩條磨轆決定要令喜帖成為一份令人難忘既收藏品，要客人既客人都會唔捨得掉張帖！一開頭諗，不如做一個網頁，可以比新人好似車仔麵咁揀想要既野，揀完哂即刻有個 rendering 比客人睇，好似好美滿咁。但開始 plan 落去，就反思一個問題，咁《銀幸ginkgo》有咩特別？

香港本身喜帖市場唔大，亦都有唔少出色既喜帖公司，仲要做左好多年，要揀 template 款多的是。係呢一刻就明白，《銀幸ginkgo》需要探究客人內心既浮世繪，做全訂製款。

好慶幸一開波就有班勇敢既新人夠膽同《銀幸ginkgo》癲，可能真係近朱者赤，《銀幸ginkgo》亦都同呢班新人 friend 左。仲有好多新人會 refer 其他新人比《銀幸ginkgo》。

但《銀幸ginkgo》亦都遇過 d 好前衛客人，應該走前《銀幸ginkgo》幾十年，實在招架不住，直頭打擊到兩位磨碌懷疑人生，反思《銀幸ginkgo》究竟個定位係咩。《銀幸ginkgo》既設計，除左要滿足到客人需要，更加重要係保護設計師既想法。

開左無耐《銀幸ginkgo》就遇著港共政府帶黎既武肺，好多新人都因為咁而暫緩。《銀幸ginkgo》既生意就好似拜登條線但反轉左咁直線下降。正所謂窮則變變則通，做唔到婚禮做商業！又真係行得通，就因為咁可以釣住《銀幸ginkgo》條命。

《銀幸ginkgo》仲係呢一年識到一班志向相同，同樣想做好事既人。而好似《銀幸ginkgo》依啲出外靠朋友嘅寄生蟲，就成日都想識更多做好事既人，一齊搞啲好野出嚟。一路發展落去，《銀幸ginkgo》兩個磨轆明白，唔可以再咁晚晚做到夜一夜無哂人生無哂時間，同埋最緊要係無得打機！所以我地決定要搵班同我地一樣夠鳩既人一齊做野，就係當日《銀幸ginkgo》出左個 story 請人，請到明個人一定要夠鳩。果然睇得《銀幸ginkgo》既人都係鳩鳩地，包括你。就係咁《銀幸ginkgo》多左幾個夠鳩既好幫手，而佢地亦因為兩個磨轆既鳩歌鳩叫鳩癲所感染，開始愈黎愈鳩，有時兩個磨轆忍唔住都要講句你地唔好咁痴線啦！

今日係《銀幸ginkgo》既一歲生日；希望黎緊呢年，《銀幸ginkgo》可以製作出更多好既作品、可以招攬到更多鳩既志同道合一齊玩、可以請到更多夠鳩既同事、可以有更多岩傾岩玩既客人，最緊要係兩條磨轆可以比以前有更多既時間打機！