銀幸ginkgo 第三個年頭了
銀幸第三個年頭了
如果用一句野形容今年，我地會選擇「燈死自己」。
經歷過忙到連最需要成日屙屎既同事屎都唔得閒屙，公司直頭買埋機票，諗住同同事們忙完一齊去旅行放鬆下；但旅行時間未到，公司同事已經齊齊捽腳趾。
好在我地銀幸同DIPMAD成日都有好多自己野想砌想做，咁就可以借呢啲機會黎去處理。
同樣我地亦係呢段時間，諗多左好多銀幸既方向，我地相信黎緊既銀幸除左喜帖印製外，會係一般紙品印刷製作呢方面更加落力。
例如搵啲本地插畫師一齊合作，印多啲唔同種類既卡出黎，有興趣既直接DM我地傾下都可以。
另外今年同往年最唔同既係，我地開始因為理念既原因推客。
係@ginkgohk多數都係睇岩銀幸既Design，鍾意銀幸Design，無論係做good to go定Tailor-made都會有一份信任係到。
但有一種客人會係問，「你地Design都做好左啦，咁點解仲要收Design Fee？ 改個名印出黎姐。」呢類客未到落訂，銀幸就會同佢byebye～試過就算落左訂，都退訂就算。
先唔講版權呢啲因素，Design本身就有佢既價值係入面，而有人往往就會忽視呢一點。另外從視覺上Design係環環相扣，改完一個位置，有時係要成個Graphic跟住去再調整。
客人唔了解我地會解釋，但如果解釋都唔聽既，只能說再見了～
係 dipmad.co 多數都係會因為鍾意DIPMAD既設計而搵DIPMAD，同一個原因但往往就出現左兩批人。
一批係「得啦，搵你地就係信得過你地，你地搞啦。」
呢批正正就係我地上年所講既「唔係單純「你要咩，我畀你」，而係喺規範下，加上我地，設計出一件「大家都開心」嘅作品。」
客人搵得DIPMAD，DIPMAD就有責任交一啲好既作品出黎，所有客人都會有佢地各自既需求，DIPMAD就需要係溝通了解當中尋求答案，再交出大家都滿意既作品。
但有一種客人係佢地既世界，只係認為DIPMAD係一對手，只係單純地想實現佢地心中既畫面，而忽視我地既建議，漠視我地想提升作品質素既渴求。
咁就會好易缺乏相互既交流，令到出黎既作品變得空洞。最後只會大家都得唔到想要既作品。
對我地而言，最開心係同同事們既關係，大家唔單只係工作既關係，而會係當大家係朋友，會同對方講秘密，會帶自己既朋友黎一齊玩。
雖然我地成日係公司大叫執笠啦屌！但放心我地係唔會比銀幸同DIPMAD執笠，一切都係想燈番生自己。
上年拎左我隻襪黎交換嗰位同事，今年真係繼續創意無限，除咗繼續擔任我地既康樂組組長，仲成日拎我地啲樣去改圖，遲下印份作品集出黎比大家欣賞。
同埋我地公司長駐左隻貓叫阿麥，想比阿麥打既，得閒經過就上黎啦喂。
最後都係要感激呢段日子信任銀幸同DIPMAD嘅所有朋友，我地一定會繼續努力！唔會辜負支持過我地既人架！
#攝於聖誕派對again
小故事(一)：今年有個新同事，入職無耐，我地就問佢，覺得DIPMAD同佢想像有無咩唔同。佢直言比我地上年既聖誕相呃左，以為我地公司係好多人，原來計埋隻小貓都係得幾隻。（上年張相講到明 "特別鳴謝圖中曾經和現在為銀幸付出過既各位”，咁都中伏係抵架！）
小故事(二)：都係呢位新同事，自稱太多人約，無早啲約佢，所以出席唔到聖誕派對，但江湖規矩都係要交換禮物。作為一位受過康樂組組長欺凌既受害者，當然要提醒一下呢位同事「你最好自己Print定個樣出黎貼落份禮物到，如果唔係唔知佢會Key啲咩上去你份禮物到。最後佢真係自己P左自己，仲要成張車頭照痴埋落份禮物到，當晚好多人對住份禮物鞠躬。
